【Viu】由Tiger邱傲然同Lokman楊樂文主演嘅ViuTV原創劇《存酒人》今晚首播，Tiger同Lokman當然要分享吓拍攝難忘事，除咗有虎仔掟結他場口，以及浪子Lokman嘅「分叉的感情線」外，原來「虎文」仲會首次喺音樂上合作，小虎隊同頭巾是咪好期待先！
講到飲酒，平時比較寡言嘅Tiger就滔滔不絕，仲爆隊長試過捉住「虎媽」飲天光，自己就冇佢哋咁好氣瞓先喇！Lokman就憶述當年拍《調教你MIRROR》時，幫飲醉嘅Tiger「掛耳包」喇！其實Lokman同Tiger由《全民造星》開始已經同組，佢哋嘅「友誼的小船」經歷過咩風浪呢？又會用咩酒去形容對方呢？想知就睇訪問啦！
