【Viu】夏韶聲、Lokman、Tiger、Amy Lo、朱栢謙、Asha同安柔潔昨日出席ViuTV原創劇《存酒人》記者會，Tiger同Lokman仲即席示範調酒，有板有眼㗎！首任男主角嘅Tiger坦言有壓力，加上要同安柔潔互獻螢幕初吻，壓力山大，但佢就笑言唔記得拍咗幾多Takes喇！講到上次《麻甩媽咪》同Gao冇咀戲，覺唔覺得可惜呢？Tiger高呼：「唔可惜！」咁True嘅答法，聽到Lokman都笑Cry呀！至於Lokman嘅角色係一個浪子，都有唔少「愛情動作戲」，仲有一場要清場拍攝，係咪好期待呢！
作為「膊頭有花」嘅隊長，Lokman就話冇聽聞MIRROR會現身《叱咤》；Tiger亦講返為大埔火災落區幫手一事，資訊量Max㗎！
至於飾演Tiger女友嘅安柔潔就話唔擔心收小虎隊「刀片」，仲自爆試過飲威士忌飲到入院。Amy Lo就話可以唱劇集主題曲係成就解鎖，仲話好開心可以同偶像Eason嘅囡囡陳康堤齊齊爭新人獎添！想知埋朱栢謙同Asha點樣讚Tiger同Lokman，記得睇足本訪問喇！
