【Viu】Jeffrey魏浚笙、日本女星南沙良、朱栢謙、韋羅莎、林耀聲、台灣男星春風等今晚出席電影《殺手#4》首映，「4膠」阿正、肥腸、岑珈其同Hillary劉沛蘅、Serrini專誠撐場，連富婆甘比都同Jeffrey集郵，仲大讚Jeffrey靚仔兼有潛質，早就睇中呢位小鮮肉！
首次擔正電影男主角嘅Jeffrey，笑認可以同南沙良合作係為港爭光，最開心係為優先場謝票時，觀眾睇到自己認真嘅一面，仲話有女Fans要求自己射佢，為咗催谷票房做乜都得咁話，又即席立Flag如果票房達3千萬就半裸騷肌謝票，大家齊齊集氣啦！至於首次來港工作嘅南沙良，指Jeffrey喺片場好認真，今次宣傳先知道對方咁玩得，仲搞笑話叫Jeffrey多啲騷肌添！
4膠是夜專誠合體撐Jeffrey，珈其大爆本身夾咗深色Dress Code，點知阿正同肥腸竟然「私約」著鮮色衫，睇嚟兩位嘅緋聞又會翻煲喇！講到Jeffrey會喺片中半裸上陣，阿正好期待喺大銀幕欣賞男神嘅胴體，講到肥腸最近都有操肌，阿正就要求肥腸胸肌硬，「其他地方」要軟？咦？玩得咁偏咩？想知6膠開戲叫乜名？各自拿手咩武器？最想殺死邊個？睇足本訪問笑餐飽啦！
