【Viu】資深演員「Benz雄」許紹雄上月28日因腎癌引發器官多重機能衰竭離世，享壽八十有餘歲。今早完成大殮後，靈柩奉移富山火葬場火化。約12時40分，靈車到達火葬場，許紹雄女兒許惠菁、繼子俊貽先後落車，許惠菁、俊貽走到車旁呼叫：「爸爸落車！」見俊貽輕掃許惠菁背安慰，之後再由許惠菁捧住爸爸遺照步入禮堂。
隨後許太龍嬿而乘坐親屬專車到場，需由親友攙扶內進，神情哀傷。緊接落車有許紹雄女婿元晏、契女佘詩曼、梁靖琪、歐陽震華、黃浩然夫婦等，其中阿佘已喊至鼻紅紅！
火化儀式完成後，許太龍嬿而要由兩位親友左右攙扶步出禮堂檻火盤，緊隨其後有許紹雄女兒許惠菁、女婿元晏等。有份扶靈之一嘅歐陽震華受訪，稱許紹雄係大師兄，喺劇集《賭場風雲》先係正式合作，同埋「三哥」苗僑偉演三兄弟。
歐陽震華表示喺靈堂見到三哥、戚美珍，聽到戚美珍講話：「估唔到好似劇情咁，（許紹雄）佢走咗先！」勁感觸！繼而再慨嘆：「人就係咁簡單，戲如人生！」又透露同大師兄過往嘅相處點滴，祝Benz雄去一個想去嘅地方！
佢又指最後一次見Benz雄係一年前，嗰陣都唔知佢身體不適，認為對方都係唔想麻煩人嘅人。當日趕去醫院係收到黎芷珊嘅通知，感到晴天霹靂！歐陽震華又對娛樂圈少咗一位令觀眾睇到五體投地嘅演員感到可惜！願Benz雄一路好走！
