【Viu】《第22屆香港亞洲電影節》今晚舉行閉幕禮，《殺手#4》團隊Jeffrey魏浚笙、Rosa韋羅莎、林耀聲；以及《逆轉上半場》團隊Gigi梁詠琪、陳湛文、凌文龍同梁雍婷等都有出席，分享拍攝點滴。Jeffrey透露為演員殺手一角而減磅8kg，仲經常獨自夜遊提升殺氣，笑指反應快到差啲整親朋友！Rosa就好羨慕Jeffrey有連場動作戲，因為自己只得文戲，仲話喺大銀幕近距離欣賞Jeffrey嘅半裸片段令人回味，認真搞笑！
除咗減磅同動作訓練，Jeffrey仲要苦練日文，笑指有睇開「日本愛情動作片」應該有啲底子，Jeffrey即True爆話：「有邊個男人冇睇過呀！」啱呀！畀個叻你！
至於Gigi同Peter就話《逆》片係入行以來最熱嘅工作環境，事關炎夏要去足球場拍外景，最佩服一班小朋友好似「唔斷電嘅電兔」一樣，精力充沛，Gigi仲自爆畀小朋友喪撩添，想知就睇足本訪問啦！
