抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now.com】寰亞孻女黃淑蔓（Feanna）穿著可愛校服造型拍攝新歌《梗頸四》MV，Feanna坦言這首歌概念來自她的真實經歷，曾經在頒獎台下看別人得獎，心裏不是味兒。後來明白成功有先有後，時機未到就繼續努力。
新歌MV請來身高187cm的蔡浩然（Scott）擔任男主角，Feanna問Scott：「你有冇聽過『梗頸四』呢個Terms呢？」Scott搖搖頭，說：「未聽過，可能唔係我個Gen（世代）。」
Feanna立即啟動老師模式：「『梗頸四』即係第四名，聽講以前跑馬好多人會講『哎呀，呢隻馬今次梗頸四啊！』即係爭啲啲，入唔到三甲，攞唔到派彩！」又說：「相信唔止我一個，好多人都試過坐喺頒獎台下睇人哋攞獎，覺得自己好似配角。但其實大家都有付出努力，堅守夢想，可能呢刻未ready，咁就默默努力住先，總有一日可以去到心目中想要嘅位置。」
點解以校園做背景？Feanna承認因為她鍾情「校服」，而且覺得人生接觸最多名次和頒獎台，就是求學時期。她說：「讀書時候好多比賽，例如運動會有頒獎台，只係第1、2、3名有位企，第4名無份。既然做一首鼓勵嘅歌，就喺學校拍MV啦！」
新歌《梗頸四》由Claudia Koh作曲和編曲、陳考威監製、鍾說填詞，MV導演郭健及團隊。MV故事中，熱愛跳舞的Scott因患重病無法繼續夢想，曾經贏過冠軍的他將獎牌送給「梗頸四」的Feanna，在他的鼓勵下，Feanna努力練習參加跳舞比賽，完成心願。
