【Viu】黃秋生、陳淑儀順利完成第4場舞台劇《螳螂捕蟬》，二人同樣喺謝幕嗰陣加插Q&A環節，秋生自揭25年前首演堅係試過成個禮拜都冇沖涼，笑言係運用方法演技！佢又透露嚟緊有計劃搞棟篤笑、甚至開演唱會添！咁幾時成事先？亦有劇迷即場邀秋生出演新版《雷雨》，秋生又應唔應承？
二人喺訪問不約而同話每做完一場都好攰，秋生自爆膝頭哥撼到粒台釘搞到瘀晒，膊頭又痛到瞓唔到覺。淑儀就話有一幕喺床上「鯉魚發尾」扭到腰部舊患，要即刻去針灸處理！雖然秋生話爆肚演出係唔專業，但有啲突發情況就係要執生，跟手大談同謝君豪首演嗰陣嘅爆肚過程，超爆笑！想知就睇足本訪問啦！
