【Viu】集影帝、劇帝、視帝於一身嘅黃秋生自2000年後，再度演出劇壇經典《螳螂捕蟬》，今次二度公演仲搵埋死黨陳淑儀嚟鬥戲，飾演一對九唔搭八兼夾雞同鴨講嘅殺手！而秋生呢次就轉演一個知識分子型killer，英文lak lak聲㗎，咁係咪冇咁多動作戲份，靠食腦就得？非也！佢仲話感覺比25年前首演更辛苦，點解嘅？
淑儀喺今年初先導完50幾場《香港式離婚》，隔咗冇幾耐即刻接演新劇，佢坦言喺導演、演員之間，比較鍾意做演員多啲，因為可以郁吓喎！講到同秋生合作無間，淑儀喪爆大師兄秘密，又大談對大師兄嘅第一印象，有畀對方嘅威嚴震懾到，唔知秋生點反擊？
另外，提起香港舞台劇頒獎禮連續兩年拎唔到資助，又被拒租場，喺「雙重封殺」之下，劇協會長形容舞台劇界「仍在寒冬」，秋生、淑儀又點睇呢？想知就即刻去片啦！
