【Viu】MIRROR今日化身主廚着晒圍裙咁chok爆現身團綜《MIRROR Chef》記者會，勁有架勢㗎！唔知拍完個節目，邊位成員嘅廚藝仲有進步空間？被指係團內嘅「天使廚神」AK、Ian又有冇機會畀佢哋喺節目入面battle？發現咩事令Ian覺得好震撼？
姜Admin日前過大海參加《NBA傳奇名人賽》獨攬13分，佢話呢趟係圓夢之旅，感到好榮幸！見姜Admin同蕭敬騰超合拍，佢話原來只係開波前熱過身，仲話事後有互相留contact，唔知喺音樂上又會唔會合作吓呢？見球星Cuttino Mobley喺story大讚自己，姜Admin話都好開心、秒心心眼呀！咁唔知姜Admin對大表波笑佢喺「903籃球賽」留力點回應？
「夜粥組」終推出小組歌《FING!》，見有鏡粉即二次創作咗條片，用「古代四大才子」嚟形容佢哋，Alton、Lokman、AK、Frankie又點爆笑分配崗位？Ian自爆噚晚新戲首映後未有留低欣賞，點解嘅？當笑問「頭號Hellosss」AK會唔會包場捧Ian嗰陣，隱約聽到AK有「微言」咁喎，真係笑死人！Jer就預告快出新歌，又搞笑話最近冇嘢做，喺屋企逐一覆柳炒嘅comment，得閒嘅話會唔會考慮跟「教主」Anson Lo赤腳行山接地氣呢？
Edan透露依家有海外FC幫手喺運動場搞生日會，而正式嘅FC就要再等消息啦！講到佢客串電影《爸爸》，Edan話都好感恩有呢個機會，又謙稱全靠剪接，對劉青雲同導演翁子光都盛讚佢嘅演技又點回應？另外，緋聞女友林明禎日前缺席首映，更被指係「大話精」，Edan話唔方便回應太多，但稱好清楚對方為人：「冇人想缺席自己首映！」繼而澄清早兩日出活動以微笑回答記者問題一事！呢條足本訪問內容量max，唔睇就真係走寶了！
