【Viu】Sammi鄭秀文今早現身美妝品牌活動，佢謙稱都怕自己太早唔在狀態，講到佢話化濃妝會吸引異性，佢又係咪用呢招先？叱咤最新公布「我最喜愛的女歌手」15強走勢，Sammi佔其中一席位，佢聽到即笑話好似對面星球發生嘅事咁，自己冇參與好耐，不過諗起當年《我們都是這樣長大的》冇親自上台攞獎，係心中嘅小遺憾！
今年Sammi舉行咗13場紅館騷，呢日首談邀請老公許志安擔任固定嘉賓一事，佢話係跟住佢個心去構思呢個idea，成件事好自然：「多謝佢陪伴我！」正當fans以為安仔會走近Sammi合唱，Sammi大笑問：「上下集咩？唔使，係好舒服嘅同台！」
前晚喺掛8號波前，Sammi畀surprise「男朋友」劉德華現身《焚城》謝票場，遲吓有冇機會見到呢對CP喺大銀幕再續前緣？嚟緊Sammi會同姜濤、林峯等過大海，以嘉賓身份參與NBA傳奇名人賽，唔知有冇機會畀Sammi重現30秒入2球呢個magic moment？足本訪問片ready好啦，仲唔即刻睇？
