【Viu】影后劉嘉玲今晚以透視裝配黑絲現身晚宴活動，sexy到爆呀！佢謙稱趁依家有身材就着多啲，又笑指老公梁朝偉從來冇過問佢嘅衣着style，亦唔會一性感就jealous：「一管就散㗎啦！」好真心呀呢句！
嘉玲姐又指屋企多咗兩位新成員，就係拉布拉多犬Batman、Benjamin啦！嘉玲姐又笑話自己本來好反對養小動物，相反偉仔就好想兼好high，所以先有呢個決定！之但係嘉玲姐點解會突然有呢個改變？佢仲笑話每日都好enjoy做「執屎官」，又專登請個trainer嚟訓練「BB」，唔知嘉玲姐係咪嚴母呢？
嘉玲姐又透露依家同緊黃子華排舞台劇，鬼死咁緊張！佢仲劇透要練跳tango，咁啱偉仔以前同張國榮拍《春光乍洩》都有學跳，嘉玲姐笑話偉仔醒咗兩個字嘅tips畀佢添！另外，嘉玲姐日前賀老友湯鎮業嫁女，佢講返將「外父」變「老爺」單笑料！快啲click入足本訪問睇啦！
