【viu】「女人天花板」Kelly陳慧琳喺超強颱風「摩羯」影響，今傍晚香港正掛3號波情況下，打扮得靚靚出活動！佢話事前都好緊張個活動唔知舉唔舉行得成，好彩最後都順利完成！Kelly又搞笑篤爆一對囝囝最開心，開學冇耐就咁快有「風假」，一早就消失咗去電腦前面！
講到Kelly下星期五就52歲生日，佢笑話冇慶祝生日好耐，每年都要叫囝囝們送花畀佢：「佢哋窒少阿媽啲啲就得！」而Kelly嘅願望就係希望下年個唱成功，終於可以宣布下年7月重回紅館舞台，但暫時就未知會開幾多場，不過就已經度定晒啲嘉賓，曾合作過嘅Anson Lo@MIRROR都一定走唔甩！亦搵嚟合作無間嘅老友兼音樂人Mark雷頌德做音樂總監添，想知多啲睇足本訪問啦！
