【viu】ViuTV原創劇《反起跑線聯盟2》最近熱播中，由肥仔同娟姐飾演嘅「羅生」、「羅太」入型入格，加埋個「餅印仔」有為，難怪連「Auntie Venus」周家怡都忍唔住踢爆肥仔同娟姐真係結咗婚，有為都係佢哋「親生」，加埋娟姐講講吓突然「怒摑」肥仔，相處方式十足十真夫婦一樣，真係SLDPK呀！
今輯仲有「國民奶奶」黃文慧加盟，雖然冇同梁詠琪重演經典嘅打麻雀一幕，但同娟姐就火花十足喇，兩位對戲嘅緊張氣氛仲嚇親現場工作人員添！
講到今輯嘅主題係學做個好家長，肥仔坦言受「潮媽」影響深遠，6歲已經蒲D跳舞，仲試過喺夜場撞到阿媽去蒲，真係估你唔到喎！
至於劇接劇嘅家怡就急急澄清唔係「老是常出現」，希望網友畀條生路自由行；點知娟姐即刻「放冷箭」指家怡太多Job，又話由細睇家怡姐啲劇長大，仲即席重演「花家姐」戲碼，加埋肥仔freestyle扮「肥貓」，想開心返埋嚟記得loop爆呢個專訪喇！
