【Viu】ViuTV新劇《反起跑線聯盟2》今日舉行開鏡拜神儀式，肥仔梁業話Error最近撞到好多「女神級前輩」，提起朱茵即刻「嘩」咗一聲，話好似小鹿咁心如鹿撞。講到佢同劇中阿仔越嚟越似樣，圓碌碌勁可愛，肥仔爆被阿仔視為「偶像」，但就學晒自己啲曳嘢，連人哋阿媽都唔知….。提到肥仔有份經營嘅食店倒閉後再被貼街招追債，肥仔話已經交由律師處理，但抱着積極態度面對，同兄弟只會越嚟越團結。
講到劇中一班小朋友真係快高長大，連演戲都越嚟越投入，潘燦良話小朋友上一季仲係「玩玩地」，今季已經開始鑽研角色，周家怡仲爆自己個仔Billy演技已達「影帝級」，認真犀利！想知更多精彩內容，記得睇埋Viu1hk足本訪問嘞。
