【Viu】Marf@COLLAR今日現身品牌活動，透露已經拍完新劇《哪一天我們會紅》，拍攝尾聲仲去咗日本6日取景，佢好興奮話係首次以演員身份出trip！講到喺日本拍攝最難忘嘅事，Marf搞笑形容日本crew好「狠心」，事關一拍完就真係有唔會再見嘅感覺！雖然之後冇stay behind去玩，但每晚都有同Day及其他演員去便利店搵好嘢食！
COLLAR Youtube新片見Marf、Winka、芯駖去到旺角做街訪，探討「街頭愛情學」，但Marf竟然笑話下次再有街訪就唔好預佢，點解嘅？問到佢嘅愛情學，Marf冧笑話鍾意另一半嘅行徑貼地啲，自稱唔係太鍾意surprise！
講到男友Locker最近買咗新車，Marf話已經試坐過，不過佢又笑話鍾意啲車貼地啲，起碼唔係自私車！之但係架車淨係可以坐兩個人，可以二人世界唔會仲冧豬啲咩？Marf笑話如果之後考棍波，寧願搵好姊妹Ivy So操車，都唔會搵Locker！莫非係驚嘈交？
同場仲有泰德混血男神Patrick，首次嚟香港嘅Patrick食咗啲咩地道美食？佢大讚香港夜景好靚，但最想都係坐渡海小輪遊維港！想知男神最想同邊位香港演員合作？睇足本訪問啦！
