【Viu】台灣男神許光漢今日來港出席珠寶店開幕活動，孖香港男神Jeffrey魏浚笙同框鬥靚仔，不過終極贏家一定係COLLAR成員Marf邱彥筒，能夠身處兩大男神中間，簡直係世上最幸福女人呀！
許光漢話好掛住香港嘅「許太太」，但依然唔慣被高呼「老公」，又暗示之後有機會嚟香港拍電影，希望可以留耐啲！光漢透露拍攝韓劇嘅進度，仲即席晒新學嘅韓文，so cute！而Jeffrey就謙稱許光漢靚仔過自己，又同男神講有睇《想見你》，希望成功集郵！
此外，笑問叫Marf喺光漢同Jeffrey之中揀邊個做男朋友？Marf就咁答喇……係咪好想知呢？佢仲話羨慕Ivy So演舞台劇，又預告會喺電影中「接棒」獻出螢幕初吻，omg！想知多啲男神女神嘅近況，睇足本訪問就知啦！
