【Viu】林峯、周秀娜今日孖住出品牌活動，齊齊派心kawaii呢！娜姐笑指平時好怕凍，只會喺重要嘅場合先大騷美腿；阿峯就話私下多數casual wear打扮，主要負責孭奶樽，又大方話唔會阻止老婆張馨月晒健康性感！
阿峯亦宣布9月開4場澳門騷呢個好消息，至於香港場次就繼續努力入紙申請紅館！佢又透露娜姐有份為其中一首新歌MV擔任女主角，所以到時會請佢去睇騷，咁點解唔做嘉賓上埋台唱首歌？娜姐一開始係勁抗拒，場面超爆笑，但最後又反高潮自薦做嘉賓，中間到底發生過什麼事？而娜姐早前去北海道滑雪被爆有猛男同行，咁係咪輪到佢有好消息要宣布？依家嘅感情狀態又係點？
同場仲有「最強星二代」Ayla沈月，最近佢踩過界，撈埋主持呢個版塊，為爸爸沈嘉偉旗下品牌嘅上海騷，同時擔任主持兼model兩職，大晒多國語言！Ayla指對做主持好有興趣，會同媽咪邱淑貞度問題同明星玩快問快答！但拍戲就暫時唔會考慮，雖然閒時都收到好多劇本，多數都會婉拒，點解嘅？睇片等Ayla親自解答啦！
