【Viu】陪伴咗大家超過25年嘅九展，今個月底拆卸，睇住ViuTV喺18年由柴灣搬嚟九展嘅Thor駱振偉同Dixon黃奕晨，齊齊同大家話當年，仲帶嚟超爆笑嘅Office Tour，由Meeting Room玩到茶水間，仲即席示範點樣喺走廊搲撈，同埋去高層辦公室「面聖」技巧，笑中有淚！
玩轉Office後，Thor同Dixon再帶大家遊一廠，仲分享一廠嘅難忘事。Thor直言《Chill Club》帶畀自己畢生難忘嘅經歷，包括首次喺Chill Club Band伴奏吓唱自己嘅歌《成熟．不了》，同埋唔見耳機，難怪佢笑言想搬《Chill Club》個巨型燈牌回家珍藏啦！Dixon就難忘首個一廠節目《考有Feel》，單係集齊MIRROR同ERROR 16子已經夠難，仲可以見證佢哋笠絲襪行出中庭，簡直畢生難忘呀！
