【Viu】Thor駱振偉喺ViuTV原創劇《繩角》入面，飾演King Boxing嘅拳手「狂牛」袁天就，係劇中最犀利嘅拳手，所有人都叫佢大師兄。成套劇由籌備到拍攝用咗半年時間，Thor為咗呢個角色用盡心力keep住副Body，真係搞到冇啖好食㗎，不過辛苦堅持完，見到結實嘅肌肉，都叫做有啲安慰啦！Alton本身就係MIRROR嘅肌肉擔當，長期都keep住fit爆身形，同呢位好拍檔一齊操肌，阿Thor都特別有動力，佢仲話好羨慕Alton有一對完美胸肌添。拍拳擊場面一定搏命出招㗎啦，今次Thor同兄弟們100%親身上陣，有時因為對方一個無情力難免會受傷，不過佢哋已經有被打嘅領悟，總之盡全力打先至係對對手既尊重。
