【Viu】由Sunny陳詠燊主持嘅訪談節目《導演 • 門》有口皆碑，最近開播嘅第二季，繼續請嚟Norris黃綺琳、「阿細」甄栢榮同「小野」盧鎮業任嘉賓主持，每集專誠安排資深導演同新晉導演對談，令觀眾對光影世界有更多領悟。四位主持當然學到好多嘢，仲大談今季最難忘嘅導演嘉賓，Sunny除咗大爆郭子健導演有怪癖外，仲同甄導輪流自爆對電影嘅熱愛係去到「戀物」嘅程度，佩服佩服！
至於「填詞L」Norris同小野就希望開第三季，前者許願可以訪問神級導演王家衞，仲希望可以成為王導鏡頭下嘅女演員；小野就被要求喺女友廖子妤同女神蒼井優中二揀一，想知佢使唔使跪玻璃？睇《導演 • 門2》專訪就一清二楚啦！
