【Viu】Louisa麥明詩同盛勁為今晚喺遊艇會嘅婚宴獲唔少圈中人到賀，最勁爆莫過於係Louisa舊愛林作嘅媽咪Lily王莉妮都有嚟飲，呢位「前未來奶奶」仲以Shocking Pink造型襯同色名牌袋現身，搶眼到爆呀！
Lily坦言林作娶唔到Louisa係遺憾，仲爆林作打擊好大，但都祝女方早生貴子。Lily話雖然做唔成奶奶同新抱，依家做契女都無妨，仲讚Louisa好乖，盛勁為高大靚仔有擔當，最緊要係「髮型型過我仔啦」，笑認比林作「高汁」，唔止狂讚新郎踩自己個仔，仲話「真．新抱」裕美僅僅合格咋！喂呀！Lily真係好funny呀！
此外，前財爺曾俊華、翁嘉穗鄔友正夫婦、黃德斌、唐詩詠、Tony洪永城、吳業坤、江美儀等都有嚟飲，Tony分享再度榮升嗲哋嘅喜悅，大讚老婆係超人，極速可以落床同餵人奶，仲承諾會獎勵老婆二人世界去旅行。想睇吓現場有幾星光熠熠，記得睇足本訪問喇！
