【Viu】Tony洪永城同太太Inez梁諾妍日前宣佈三年抱兩，今晚即刻孖住出席聖誕活動賺奶粉錢，Tony仲沾沾讚自己好叻，想再接再厲，笑言又可以拎多兩皮咁話！不過，佢哋就話未知第二胎性別，留返之後開party一次過公佈，雖然仔女都冇所謂，但Inez就話奶奶估佢生仔；大女Amber都想要細佬，Tony就覺得生女Sweet啲喇！最搞笑係Inez話照超聲波時，已經覺得第二胎似足老公，所以係「Sir Face 2.0」，anyway，似Tony都好得意嘅！
佗B 6個月嘅Inez，雖然貪靚著高踭鞋現身，但其實今胎唔易佗，好彩老公都「生性」，貼心照顧。想睇洪氏伉儷放閃，記得睇足本訪問喇！
