【Viu】袁劍偉導演今晚率張繼聰、白只、Edan、Anson Lo同Ray蘇振維為《盜月者》謝票，憑「郵局條針」童童一角人氣急升嘅Ray，首次現身謝票場，大受歡迎，仲送上最愛嘅恐龍貼紙畀現場觀眾，氣氛High爆！
Edan同白只一入場扮孖寶兄弟派心；阿聰就溫馨提示教主畀小編影相拍片，完全Feel到嗰種愛呀！席間好多觀眾讚Ray演技好，演藝學院前輩阿聰同白只仲建議Ray「背叛劇場」，當觀眾要求眾人演繹「童童」一角時，白只、Edan同教主都謙稱好難媲美，阿聰就冇有怕照扮，仲笑言自己演「大賊」都係靠演技，事關自己私下都好嬌嗲，仲即席晒「蘭花手」，笑Cry呀！
大合照時，阿聰大叫希望票房直衝3千萬，教主亦瘋狂尖叫，最後仲全場大叫「全城追擊八月十五」，Edan即扮聽唔到，仲索性扮走，會唔會太cute呢？
