【Viu】「阿神」曾贊學喺《公司冇逼我跑馬拉松》中，負膊傷上陣練跑，博盡無悔嘅精神令唔少網友高呼Respect！阿神親自還原當初為咗得到《季前賽》嘅試鏡機會，「搏老命」打足近3粒鐘籃球，導致膊頭甩骹，令情緒大受困擾，好彩有呢個跑步節目，先令自己走出情緒迷宮咋！
由《全民造星》出身嘅阿神，以往曾參加多個選秀比賽追夢，仲試過畀前經理人潑冷水，加上同加入ERROR嘅機會擦身而過，令佢更加自怨自艾，自覺係「地獄黑仔王」！不過，身處黑暗中反而見到人性嘅光輝，Dee哥同保錡嘅兄弟情，就陪伴阿神走過艱難時期，一齊聽吓阿神嘅心底話啦！
