【Viu】42歲嘅關智斌（Kenny）素來有「零死角男神」之稱，喺ViuTV原創劇《法與情》要出賣肉體，做感情騙子專呃有錢闊太，情慾戲對佢嚟講只係碎料，搞好副Boby先係最重要，Kenny話好在平時有操開，騷六嚿腹肌係基本！對於兩位主要對手葉璇同JJ賈曉晨，Kenny話同外界嘅印象好兩極，尤其曾黑化自己噌熱度嘅葉璇，佢有另一番見解。
珈其喺記者會上大爆Kenny係劇中顏值擔當，但原來靚仔都有煩腦，Kenny話曾因為個樣生得太Young而搞盡腦汁，「細個試過留鬚扮成熟，又想化厚妝貼近潮流」，但最後都係選擇忠於自己。而Kenny感情生活一直是個謎，訪問中亦有剖白自己嘅Chill爆愛情態度，曾揚言阿Sa蔡卓妍40歲仍未結婚，就會娶對方，Kenny會唔會食言？今個平安夜約埋英皇「龍虎豹」祖兒、阿Sa同阿嬌一齊開派對，個個單身，但一啲都唔dry，皆因感情已昇華到另一個層次。
今年仲係Boy'z 20周年紀念，Kenny原來同Steven張致恆一直有保持聯絡，想知原因，記得睇足本訪問就知答案！
