【Viu】Jeffrey魏浚笙大熱勇奪「叱咤樂壇生力軍男歌手」金獎，受訪時依然激動到眼紅紅，仲用佢最擅長嘅四字詞嚟形容得獎感受，盡顯「煨Sir」本色！Jeffrey坦言獎項為獨立歌手之路打下強心針，仲漏夜寫定貓紙以免漏咗多謝恩人。講到佢鮮有喺台上公開多謝女友Evelyn，Jeffrey再度發表「世一男友」金句，冧爆呀！
至於「叱咤樂壇生力軍女歌手」金獎Marf，同樣寫定貓紙，仲話要請COLLAR一班姊妹食好西慶功，係咪好想知呢？
而「生力軍男歌手」銅獎由Marco奪得，可惜佢仲病緊，由P1X3L 隊友Phoebus同George代領，佢哋亦update咗Marco嘅狀況，仲笑言攞獎會拖累Marco破「佛身」嘅時間表！「生力軍女歌手」銅獎得主Sica就話唔使多謝緋聞男友Marco，反而公開向保錡同阿濟致歉。想睇各位生力軍嘅得獎感受，記得睇足本訪問喇！
