【Viu】Anson Lo盧瀚霆、Edan呂爵安、陳漢娜、沈殷怡、羅家英、盧覓雪、「Ben Sir」歐陽偉豪、曹查理、陳安立、陳俞希、葛綽瑤、麥沛東、余潔滢等今日出席港版《社內相親》記者會，一眾演員除咗介紹角色外，仲同Fans玩遊戲，超級熱鬧呀！
席間AL、Edan、陳漢娜同沈殷怡即場抽紅線玩配對遊戲，「登神」真係千里姻緣一絲牽，一抽就抽中對方，Edan幫AL打呔、AL就幫Edan戴頸鏈，登神瘋狂派糖，成個畫面都充滿粉紅色泡泡呀！
其後教主同兒登又做動作同Fans玩「大電視」，教主跳起扮「片皮鴨」；兒登就出「鳳爪」，笑Cry呀！
