【Viu】黃偉晉@五堅情喺香港舉行一連兩場演唱會，噚晚（5日）尾場換上緊身T騷健碩身材，小鋼盔們熱情度爆燈，幾乎每個間場位都呼喊偉晉：「脫掉！」偉晉堅守「兩點」不露，但當《娛樂百分百》拍檔劉雨婷、林亭翰、艾莉兒、龔言脩同健身教練Gary冠宇一齊上台時，偉晉竟嚟個順水推舟，叫Gary「脫掉」，仲出手扯衫......有冇成功？睇現場實況片段啦。
話晒係香港處男騷，偉晉好努力練習廣東話，除獻唱《一人之境》，encore再度獻唱《世一》。佢仲用半鹹淡廣東話多謝樂迷，「多謝香港嘅朋友，畀咗好大嘅理由（力量﹚我，等我知道原來仲有呢班人支持住我，鍾意我嘅音樂，令我覺得（知道）自己係歌手黃偉晉。」雖然讀錯好幾次，但偉晉仍然好感觸，哽咽眼濕濕，搞到汗水與淚水交織，場面感人。
