【Viu】林保怡、Jennifer余香凝、Rachel梁雍婷、Hillary劉沛蘅等今晚出席《白日之下》首映，講到保怡喺片中飾演窮兇極惡嘅「院長」，佢原本笑言係想收份人工先接拍，之後就正經咁話「因為憎所以接」，仲話嗰排好憎見到自己，連鏡都唔想照，煞科當日即刻做咗兩件事嚟抽離角色，係咪好想知呢？ 保怡演出認真，現實中亦相當玩得，大合照期間要求「後生嘅踎喺前面」，保怡二話不說想踎第一排，可惜遭監製爾冬陞阻止，場面搞笑！
保怡對角色嘅投入，震懾Jennifer同Rachel，搞到唔敢撩前輩講嘢，Rachel仲笑指「大衛不見了」，絕對係保怡嘅忠實影迷呀！憑《白》片提名《金馬獎》「最佳女主角」嘅Jennifer，除咗獲親生妹妹余潔滢支持外，仲獲「非親生好姊妹」廖子妤撐場，係愛呀！想知道3位《金馬獎》提名人點樣備戰？Jennier同保怡喺外國影展收集到咩觀眾評語？記得睇足本訪問喇！
