【viu】改編自真人真事嘅電影《白日之下》集結一班好戲之人，內容講述飾演記者「曉琪」嘅Jennifer余香凝，單人匹馬「放蛇」潛入殘疾院舍「彩橋之家」追求真相，揭發院舍虐老惡行，期間同「院長」林保怡角力，目的為拯救一眾「院友」如Rachel梁雍婷所飾演嘅智障少女。
為演活戲中角色，Jennifer、林保怡分別向港聞記者、弱視人士等「取經」，後者更專登配合角色造型留長頭髮、鬍鬚；Rachel則一踏入片場嗰刻就秒變「智障少女」，赤腳嬉戲，營造生活感。面對現實中存咗嘅人物，Jennifer自爆齋喺圍讀嗰陣就已經忍唔住爆喊；林保怡指每日都帶住矛盾入戲，感覺極似被虐；Rachel心存更氣憤！3位希望透過電影畀到觀眾一個思考嘅空間，更希望大眾、社會多多關注院舍議題。想知道邊一幕令佢哋最難忘、感動？齊齊入圍金馬獎嘅感受？一齊嚟聽佢哋講啦！
