【Viu】P1X3L成員Marco葉振弘、程人富同「咖哩」黃雅慧為Mike導節目《無制限探險隊》遠赴非洲40日，除咗事前每人打咗8、9支防疫針外，佢哋仲為咗「黃金畫面」搏到盡呀！Marco被迫做「品屎官」，嚐盡各種動物嘅「米田共」，仲「嘔出彩虹」，真係隔住個Mon都Feel到臭呀！
至於富哥就難忘挑戰笨豬跳，自覺徘徊喺死亡邊緣，但當下佢竟然唔係諗起女朋友，而係諗起一男子喎！而咖哩原本以為做隨行「軍醫」淨係需要行行企企，點知為咗去坦桑尼亞行山而足足7日冇沖涼，OMG！想知佢哋點挑戰人類嘅極限，睇埋呢個訪問就知得一清二楚啦！
