【Viu】朱茵相隔13年再拍港劇，喺ViuTV新劇《反起跑線聯盟2》同Chloe蘇皓兒飾演兩姊妹，大家都讚朱茵狀態好fit，依然係女神級！劇中Chloe係單親媽媽，同演嚴師嘅朱茵為咗小朋友產生好多爭拗，Chloe爆有八成都係鬧交戲，真係好大壓力。
拍劇經常要05開工嘅朱茵雖然有專車接送，但每晚收6、7點收工，佢都話攰到差啲哄唔到個女瞓覺。朱茵話自己唔係「直昇機」家長，唔會成日望住囡囡黃鶯，但囡囡投訴過爸爸黃貫中成日望住佢，搞到連飯都食唔到。提到李玟疑被《中國好聲音》製作組欺凌，朱茵話唔想評論，但感嘆做藝人，人前人後都有好多辛酸。想睇更多精彩內容，記得留意viu1hk足本訪問。
