【Viu】Phoebus@P1X3L悉心打扮出席fashion活動，一嚟就帶嚟好消息，就係最近P1X3L拍咗新歌MV啦！佢預告大約9月中面世，除咗團歌之外，佢都準備緊solo歌，雙重驚喜呀！
《P1X3L 5G上台計劃》噚晚最後一集，Phoebus話因為做緊嘢未有睇直播，直言重溫嗰陣肯定都超感動，又爆其中一集講心事其實仲有好多內容唔出得街，嗰刻8個人都打開心窗，咁邊個變喊包先？佢就篤爆係5G型女仔！好多fans都敲碗想佢哋推出主題曲《逆行星》，Phoebus指應該有機會plug，又透露眾人有向公司爭取拍第二季，好似都有啲眉目咁！即刻去睇足本訪問片，聽Phoebus劇透更多！
