【Viu】《全民造星V》出爐三甲Lyman、KC同亨仔喺賽後接受訪問，Lyman坦言對奪冠感意外，仲話如果香港有好機會，一定會留喺度發展，太太亦會「嫁雞隨雞」，香生香太仲喺現場錫錫，閃到盲呀！
至於KC都唔客氣一齊放閃，佢首先話對於僅敗喺全民投票部分冇失望，因為表演已經充分展現到自我，仲爆咗Lyman太太一個秘密添喎！係咪好想知呢？講到女友Win Win話要請佢食最貴嘅燒肉慶祝，KC就獅子開大口話要去日本食，識玩呀！
而險勝嘅亨仔就大方話希晉同Tsoul更值得攞獎，仲誤爆同《造星》一位殿堂級幕後好熟，笑Cry呀！想睇吓出爐三甲有幾興奮，記得睇足本訪問喇！
