【Viu】女神Kay謝安琪今日出席家電活動，自稱係家中嘅話事人，負責打點屋企嘅所有嘢，期間佢指閒時興趣係睇食譜，所以一有時間都會拉埋囡囡KakaBall一齊玩煮飯仔，享受親子時光！雖則Kay話男人有兩樣嘢好緊要，一係髮型、二就係下廚，但佢就抵死篤爆囝囝張瞻同老公張繼聰勁幸福，甚少入廚房，更笑指佢哋可能連爐都唔識開！不過Kay一啲都唔介意，因為佢嘅必殺技就係以美食俘虜佢哋，搞到佢哋不能自拔，的確係高招！
最後Kay預告新歌《成婚破浪》聽日面世，直言唱到老公嘅大作係入行18年以嚟嘅一大里程碑，深感榮幸呀！提到早前佢上《戀講嘢》做嘉賓主持，成功引導193大爆戀愛史，遲啲開個節目講婚姻之道？Kay心郁郁話想試，覺得戀愛節目有個吸引力係令人大膽發言，所以嗰次都勁欣賞193夠直率呀！齊齊集氣女神開節目！
