【Viu】Kay謝安琪今早出席護膚品品牌活動，出場嗰吓勁仙！佢笑嘲自己之前係硬漢，但依家就變得更女性化，仲笑爆話會同老公張繼聰battle搽護膚品，可以做對「護膚夫婦」！
前日Kay陪囡囡Kakaball追星，睇Anson Lo solo concert，佢搞笑話囡囡好怕醜，但影完合照就勁緊張想攞相，之後秒換wallpaper同通訊app icon，唔止添呀，當晚仲興奮到要食宵夜先肯瞓，呢幾日又做「考古員」喪loop偶像片！咁張生有冇呷醋先？Kay激讚老公勁大方，笑話兩者唔同路線嘛，又指Kakaball係好深愛Daddy嘅！講到Kay上《戀講嘢》分享同老公之間嘅恩愛事，佢即場追加多個超冧故，想知就睇訪問片啦！
