【Viu】 Kay謝安琪今朝以性感造型出席護膚品活動，佢透露日前大仔James張瞻16歲生日，請咗十幾位同學仔去屋企開P，所以40歲嘅「兩老」就去Gym Room遠距離「參與」，仲大讚James啲同學又乖又靚女，準備埋禮物畀妹妹，超Sweet！咦，當中有冇James嘅女朋友呢？Kay就話經常向同學仔探口風，但個個都支吾以對，阿仔就堅稱長期單身，大讚佢識玩呀！
Kay話見到James畢業感觸良多，又話佢對運動科學同表演都有興趣，笑言係上次跟Daddy張繼聰返演藝時見到長腿姐姐們跳舞，因而產生興趣，亦唔介意阿仔出年參加《全民造星VI》。 此外，最近忙拍新劇《法與情》嘅Kay，對就快煞科感不捨，又笑認自己睡相優雅兼虔誠，唔怕被偷影。
