【Viu】泰國男神Bright今年年初已經以「泰國F4」身份，同3兄弟喺香港開騷，以歌會fans，上星期六佢又孖住人氣BL劇《只因我們天生一對》拍檔Win唱爆亞博，唔夠一星期，噚日(13號)佢再度襲港，現身圓方出席新店開幕活動，同場仲有談善言、李靖筠、馬詩慧同女兒王麗嘉以及Amanda S.等！雖然只係幾日冇見Bright咋，但一班fans依然勁熱情，企滿商場支持偶像，真係人頭湧湧勁熱鬧！男神Bright就以全黑造型現身，佢上電梯準備步向活動場地嗰陣，仲不忘向四方八面嘅fans揮手，搞到大家V嘩鬼叫，真係Sweet到爆啊！
