【Viu】憑日劇《今際之國的有栖》爆紅嘅「水雞光」朝比奈彩，昨日旋風訪港，今朝就以女神Look出席米線活動，表情包無限放送，仲狂讚地道米線「餓伊士呢」，真係超專業呀！
朝比奈彩今次只來港2日1夜，大呻唔夠喉呀，好彩噚晚偷閒去咗山頂睇夜景，希望下次再嚟玩過。佢又預告喺之後準備面世嘅作品中，會繼續做動作女星，仲話細個有睇香港電影，對李小龍印象最深，所以噚日都有去星光大道睇李小龍銅像呀！
講到《今際》男星山下智久日前都喺香港，朝比奈彩話希望再同山P合作，又大讚香港男仔好靚仔，尾聲時仲特登行出店外見Fans，Sweet到爆呀！
