【Viu】方力申今日出席運動飲品活動，提到最近為新戲減磅，佢話仍未滿意，距離目標仲有3、4kg，又指今次減得慢係因為壓力未夠大！只但係如果女友Maple陪做運動又唔同講法，小方笑話係會動力大啲，之前試過一齊游水，笑問游水嗰陣係男友mode定教練mode？小方秒答教練mode，不過！佢自認都好識睇眉頭眼額嘅，甚至係學生都從來冇鬧過！講到Maple喺節目中自爆因為身份曝光而變得難搵工，小方心痛認女友曾被「彈鐘」，其中一個原因係因為男友太出名，小方都話呢個理由好荒謬，問到會唔會幫女友手搵嘢做？佢話Maple本身有同人補習兼翻譯，可以做嘅就係喺女友身邊做個幽默男友，呢番說話真係聽者都有糖尿！
