【Viu】Edan呂爵安今晚喺《HKT西九音樂節》壓軸登場，仲趁愚人節整蠱現場觀眾，聲稱要因病缺席，不過大家都習慣咗Edan嘅「狼來了」㗎喇！Edan先自彈自唱《E先生連環不幸事件》，再獻唱《第三人稱》、《crush on》同《Loverse》，最搞笑莫過於係戴上蝴蝶結跳唱Lolly Talk嘅《三分甜》，又自抽「退粉潮」，最後以《My Apple Pie》作結，兒登世一呀！
受訪時，Edan自誇叻過AK，事關自己跳咗成首《三分甜》，又笑指嬌俏表情先係自己嘅拿手好戲，反正一定唔係行靚仔路線！咦，爵安今日咁謙嘅？
講返佢即將推出自家品牌，Edan真係「瞓身」宣傳呀，想知Edan有幾落力？足本訪問咪知囉！
