【Viu】美國饒舌歌手Pharrell Williams擔任神秘國際嘉賓噚晚中環舉行咗場文化藝術盛宴，同場仲有何超瓊、何超欣、胡智同、Amada S.、馬天佑同雷凱欣等多位名人！啱啱參加完fashion week返港嘅馬天佑，問到好友何超蓮係咪4月結婚？佢直指有3年冇見過對方、甚至其男友竇驍，有睇到新聞報導但冇打探對方，若然件事屬實會講聲恭喜，又笑話即使冇被超蓮邀請去婚禮都唔會嬲嬲豬！佢再預告就快出新歌，目標全年出4至5首！
好耐冇見嘅有雷凱欣！自多年前做人妻後就淡出娛樂圈，育有一子嘅佢樂做full-time mum，又話如果有好角色都會考慮出山，之但係尺度上就冇以前咁闊，因為依家多咗個「管家仔」！雷凱欣話有畀囝囝睇佢以前嘅影視作品，不過搞笑話囝囝唔相信，睇完都覺得冇乜嘢，反而係母子檔洗白白嗰陣，囝囝會嘩嘩嘩聲，雷凱欣笑指反應比影迷嚟得更誇張！
