【Viu】最近忙於拍攝ViuTV新劇《冰上火花》嘅Martin王智騫，噚晚出席品牌活動，指因為大部分場口都要等商場閂門，全team劇組通頂通咗好多日，加上自己有其他工作，最長試過27個鐘冇瞓覺，但Martin話全部吃得消，甚至私下搵教練練波，年輕果然係唔同啲！佢透露劇中同Ian最多對手戲，係飾演競爭對手，又開心自爆終於有感情線，仲要一嚟就玩多角關係添！
最近喺巴黎參加完fashion week嘅Elva倪晨曦，指係第一次離開對囝囝14日，雖然終於有得飛嘅心情係好high，但同時都勁掛住屋企，希望下次可以嚟個family trip。提起Joey早前喺巴黎被偷手袋，Elva坦言都有兩次「經驗」，一次就被偷值幾千蚊港幣嘅歐元；另一次就成功攞得番經理人部電話，全程仲要係一額汗！
