【Viu】大熱台劇《想見你》時隔三年推出電影版，柯佳嬿、許光漢同施柏宇組成嘅「鳳南小隊」仲一齊嚟到香港為新戲宣傳，分享拍攝嘅幕後點滴，講到再次演返熟悉嘅角色，最唔慣嘅竟然係一把年紀仲要著高中制服，確實係有啲老尷！而且柯佳嬿同許光漢兩位前輩，仲發現同施柏宇有代溝，同樣都係睇周星馳電影大，不過柯佳嬿睇嘅係《家有囍事》，施柏宇睇嘅係《少林足球》，個溝有成9年咁大！之前柯佳嬿去韓國宣傳嗰陣，收到fans為佢準備嘅「孔劉衣架」，氹到佢不知幾開心！如果可以得到香港明星送嘅禮物，柯佳嬿都即刻話最想要星爺寫嘅親筆揮春，果然係忠粉啊！而兩位男神就最想得到梁朝偉老師嘅墨寶同衣架喇！
