【Viu】 馮素波同Zeno顧定軒今日拍攝港台節目，探訪殯儀社企，Zeno大爆波姐百無禁忌嘅趣事，包括同墓碑Selfie，而自己就最難忘去黃家駒墓地拍攝，墓碑上嘅句子令佢感受好深！
講到波姐早排喺廣告扮教主Anson Lo，佢笑言一度擔心出街畀人打，好彩得到Fans喜愛，仲多咗好多「孫仔孫女」同佢講早晨兼索合照，人氣急升呀！波姐又預告5月會開演唱會，但笑言唔夠氣挑戰跳唱《Megahit》喇，又爆Lokman拍《繩角》時曾經承諾教佢跳舞，到依家都未找數呀！至於仲想同邊位鏡仔合作呢？波姐當然唔係要做選擇嘅小朋友啦，佢話最好12子一齊上，又搞Gag話要學跳舞做MIRROR第13個成員，風趣到爆呀！
