【Viu】本月21日就係Edan呂爵安嘅26歲生日，爵屎們由今日起喺尖沙咀某商場舉辦《Happy Edan Day 2023生日展覽》，兩層嘅展覽分別神還原《Elevator》同《My Apple Pie》嘅MV場景，仲有Edan親自借出嘅展品，包括獎座、佈滿字跡嘅劇本同埋波衫，相當珍貴！
爵屎Goo、Rawr、May、Pie話今次展覽用咗6位數字，最希望Edan開開心心、做到自己想做嘅事，仲笑言冇偶包嘅Edan都係佢哋心目中嘅世一。佢哋又分享Edan嘅寵粉舉動，例如每朝喺tg group同大家講早晨，又會加入爵屎閒聊嘅話題，甚至拍片回應今次嘅生日應援，果然係世界第一呂爵安呀！
