【Viu】阿卵楊偉倫演出舞台劇多年仲攞過劇帝，由熟悉嘅舞台跳入影視圈，最近喺懸疑三級片《正義迴廊》入面飾演主角張顯宗，令更多觀眾認識佢。今次演「逆子弒親」咁沉重嘅戲，阿卵話拍攝期間都好陰沉，有日仲發現唔係好對路。阿卵表面睇落好似好嚴肅，但觀眾就覺得佢勁風趣幽默，私底下嘅佢其實幾悶，佢最好嘅娛樂就係同朱凌凌班兄弟夾Band，度吓爛Gag。阿卵之前同MIRROR成員拍過劇集《大叔的愛》同《I SWIM》，兩套劇都係演灰諧嘅角色，加上佢成日講嘢無厘頭令人笑爆嘴，阿卵都覺得同班年輕偶像合作應該冇代溝，仲不時撩拍檔Edan講笑添。
