【Viu】阿Lam林子祥將於年尾Boxing day喺亞博開騷，盛傳呢次會係佢最後一場演唱會，阿Lam聽到即澄清話只係今次tour嘅最後一場啫，又搞笑話：「如果有一日我唱唔到自己個key、唔夠氣力唱先再講，我依家仲唱到！」問到有咩護聲秘笈？寶刀未老嘅佢笑答一直都做緊嘢未停過唱歌，一上台就唱到，但平時私下都鍾意食煎、炒、辣，或者臨開騷前唔飲酒。
提到老婆Sally葉蒨文早前確診新冠肺炎，阿Lam自爆都有中招，過咗兩日就好番，係攰啲同喉嚨痛，不過就冇發燒，又搞笑話有「後遺症」：「好多嘢唔記得，歌詞唔記得！」到時Sally會上台做嘉賓？阿Lam話多數開騷都唔會請：「佢（Sally）成日都企旁邊，佢肯唱就會唱！」最後佢仲預告呢場會有小驚喜，買到飛嘅fans就可以期待吓啦！
