【Viu】Gareth.T湯令山上個月推出咗新歌《Buzz cut》，為咗呢首歌佢由菠蘿頭變咗做奇異果頭，佢本人亦勁鍾意個新髮型，除咗容易打理仲慳返set頭時間添！不過Gareth之所以剪呢個髮型，原來係細佬。Gareth下個月18-20就會喺九展開騷喇，之前Fans club二次創作咗張poster，勁到估中埋開騷日期，真係神預言呀！佢今年做過幾位前輩例如張敬軒、衛蘭，同埋鄭欣宜等等嘅演唱會嘉賓，喺唔同嘅騷入面都百分百投入，今次終於輪到自己梗係超興奮，佢仲特別set咗7條Rules，警剔自己開騷前要做足準備，希望唔會令Fans失望。Gareth預告演唱會將帶嚟未曾推出嘅歌，而嘉賓方面，第一時間揀定女朋友阿Moon啦，果然係boyfriend material喎！
