【Viu】《未來音樂選 TONE Music Awards》噚晚盛大舉行，逾50個音樂單位出席參與，最終由Serrini、組合per se各擸5個大獎成大贏家，而MC $oho & KidNey就跟隊攞4獎！
其中樹妮妮嘅《樹》同MC $oho & KidNey《係咁先啦（feat. Kayan9896）》並列「香港音樂年度十大（經大學生票選）」第七位，樹妮妮興奮話覺得好榮幸，仲搞笑自稱做「Serrini0813」，想學習對方New York style嘅「洋氣」咁話！
講到MC $oho & KidNey多次上台攞獎，佢哋抵死形容自己為樂壇《寒戰》，因為《寒》當年喺金像獎喪獲獎，咁都畀佢哋諗到果然係創作人！更估唔到嘅就係佢哋話會以做冥想慶祝，refesh一吓身心靈！游學修亦戥佢哋連袋幾座冰獎開心，不過佢就絕對唔會畀獎項利誘到出歌，負責出錢幫MC $oho & KidNey出碟就冇問題啦，咁等你科水啦！
